“PISA” халықаралық зерттеуіне дайындық.

PISA зерттеуі (Programme for International Student Assessment) – Халықаралық Экономикалық Ынтымақтастық және Даму Ұйымы ЭЫДҰ (OECD – Organisation for Economic Co-operation and Development) жүзеге асыратын бағдарлама. PISA зерттеуінің мақсаты – әлемдік деңгейде салыстырылатын әр мемлекеттің оқыту нәтижелері жөніндегі сенімді мәліметтерін алып саралау болса, негізгі міндеті – білім беру саласындағы әлемдік басымдықтарды сипаттайтын зерттеу құралдарының негізінде объективті өлшеулер арқылы алынған айқын нәтижелерді талдау және оқушылардың функционалдық сауаттылығын тексеру, ал оқушылардың функционалдық сауаттылығы дегеніміз – әлеуметтік, мәдени, саяси және экономикалық қызметтерге белсене араласуы, яғни бүгінгі жаһандану дәуіріндегі заман ағымына ілесе отырып, үнемі білімін жетілдіруі.
Мектебімізде 27.01.2022 жылдан бастап мектепішілік бұйрық шығарылып, «PISA – 2018 халықаралық зерттеуіне» дайындық жұмыстары үздіксіз жүргізілуде. Зерттеуге қажетті компьютер кабинеттер дайындалып, сабақ кестесі құрылып, 15 жастағы 168 қатысқалы жатқан оқушыларды 6 топқа біріктірілді. «PISA Халықаралық зерттеу бағдарлама 2021-2022 оқу жылы» атты тақырыптық стендті безендірілді. Математика, жаратылыстану, химия, биология, физика, қазақ тілі мен орыс тілі мұғалімдері зерттеуге байланысты курс, семинарларға белсенді қатысып, тәжірибе жинақтады. Мектеп әкімшілігі 15 жастағы оқушылардың ата-аналарымен кездесулер өткізіп, балаларының халықаралық зерттеуге қатысып, мектепте алған білімдерін келешек өмірде қалай қолдана алатындықтарын, өздерінің функционалдық сауаттылықтарының қандай деңгейде екенін көрсететіндерін түсіндірді.