Математика, физика және информатика пәндер бірлестігінің онкүндігі

"М.Мамаетова орта мектебі" коммуналдық мемлекттік мекемесінде 8.11-30.11.2021 күндер аралығында «Математика, физика және информатика» пәндер бірлестігінің апталықтары өтті. Апталық жоспары бекітіліп, мектеп дәлізіне жоспар мен ақпараттық стенд ілінді. Жоспарға сәйкес апталық барысында ашық сабақтар, математикалық тартыс,тәжірибе жұмыстары,логикалық тапсырмалар,интеллектуалды сайыстар, кештер , вебинарлар өткізілді.Бірлестіктің апталық жоспарымен таныстыру мақсатында 08.11.2021 күні оқушылар жиыны өткізілді. Жиында апта бойы атқарылатын жұмыстар әр сыныпқа бөлініп берілді, қабырға газеттері шығарылды. 09.11.2021 күні 9-11 сыныптар арасында математика мен физика пәндерінен мектепішілік олимпиада өткізілді. Матиматика пәнінің мұғалімі Г. Алдабергенова «Математикалық сайыс» тақырыбында 5в,5г сынып оқушыларымен интеллектуалды ойын өткізді. Сайыс логикалық сұрақтар, капитандар сайысы, әртүрлі танымдық ойындар сияқты кезеңдерден тұрды. Сайыс барысында суырылып алға шыққан оқушылар мақтау қағазымен марапатталды.Сонымен қатар 8-9сыныптар арасында «ХХІ ғасыр көшбасшысы», 9 Ә, 9 В сыныптар арасында «Математикалық тартыс»,7 "Ә" сынып оқушылары арасында "Миллион кімге бұйырады?" атты тақырыптарда сайыс, зияткерлік ойындар өткізілді.
          Сондай-ақ апталық барысында информатика пәнінің мұғалімі А.Үркінбаева "Quizizz платформасын сабақта тиімді пайдалану" тақырыбында пән мұғалімдеріне вебинар өткізсе, Математика пәнінің мұғалімі К.Касенова мен физика пәнінің мұғалімі Г.Исахова «Физика, математика сабағында PISA тапсырмаларын қолдану арқылы оқушылардың ғылыми ой-өрісін дамыту» тақырыбында бірлескен түрде пән мұғалімдеріне жаңартылған мазмұнда жоспарланған вебинар сабағын өткізді. Математика пәнінің мұғалімі Ю.Козиева «Восполнения пробелов в знаниях учащихся на уроках математики» тақырыбында пән мұғалімдеріне вебинар өткізді. Бірлестік апталығы сайыс, ашық сабақ, вебинарларды жүргізу арқылы өте қарқынды түрде өтті. Мектеп ұжымы пән бірлестіктерінің апталықтарына қатысып, сабақтастық мақсатында әдістемелік қоржындарын көптеген әдістермен, тиімді тәсілдерге толтырды